MASTRÄL. Al ser Radolf čhi ca vol nominär,
Ch’ i tegnan sü, c’ um ai possa drombär.
(Üna part tegnan sü).
Vò, ser Nudair, drombai e ün e ün.
NUDAIR. I’ à già drombaa, i en giüst quarantün.
870MASTRÄL. Qui ca nun àn votaa i èn da plü.
Pel ser Gadenz čhi ca vol, tegna sü.
(Tantci tegnan sü).
NUDAIR. Nu l’ è gnanc necessari dai drombär,
Dòi cuntar ün a si pò ben stimär.
MASTRÄL. Ormai al ser Gadenz è nominaa.
875TÜTCI. Evviva, evviva al sciur pudastà!
GUSTIN. L’ esit je corr ei dir da l’ eleziun.
Evviva ’l ser Gadenz, al nos patrun!
(Al va in prešša).
UN VAŠIN. Unur e Dio!
UN ALTAR. Gloria e la Madona!
880
ANDRIANI. Mandà giò e sunär giò Nossa - Dona.
MASTRÄL. Iss um vess fatč tüt quant bel net e clair;
Dòm’ as rest’ anca da fär un cavrair.
UN VAŠIN. Prüma da tüt s’ à da fär riflessiun,
S’ as vol, o no, mudär lan cundiziun.
885UN ALTAR. Ai àn vol ün, c’ al fagia per pac prezzi.
UN VAŠIN. Sì matem je, ch’ i sun al Gian Murezzi.
[p. 71] TANTCI. Ho, ho, ho, ho! Quel lò l’ è cianciar clair!
MUREZZI. Sì, parciee dišni: «Murezzi cavrair?»
UN VAŠIN. Per c’ al sea imparziale, ai àn vol ün,
890Ca nu agia ciävra, e nu sea dal comün.
UN VAŠIN. As dà per ciävra dòi sašin da plü;
Ma cal lan čiüra, e c’ ai väda dree lü.
ALTAR. C’ ai guarda dree, e c’ ai stea daspair;
Mia c’ al lan lascia per indär pradair.
895UN
VAŠIN. C’ al vegn’ e ciäsa evant l’ evamaria.
ALTAR. C’ al guarda ben, ca nu’ l lan tetta mia!
MASTRÄL. Ai füss quel veil. S’ u’ l vulè metar lü
Er per quist ann, i ’v preg da tagnir sü.
UN VAŠIN. Quel povar mat l’ è un zig un macarun;
900TÜTCI. Ma tütavia um diš: Bel e bun!
(Al torna al cumpär Gustin).