Pò veir vers i see frär tempra insci düra?
935Per dir la verità, je vea speraa,
Ch’ i vessan pü cuscenza i riformaa:
Ma incur ca’ as tratta raba d’ interess,
Riforma, o no, l’ òm è sempar l’ istess.
Ecco parciee, ca je sun titubant,
940S’ i à da prestär fede el pradicant,
[p. 73] M’ unind e quii, ca fan lega cun lü,
Ca urmai ent al comün èn i daplü.
Tüt quistan prova, tüt quistan dübiezza
Am emplišan al cor da gran tristezza.
945Per coronär dal tüt al me dulur,
Al mancass doma c’ am tradiss l’ amur.
ANIN. (ai riva daspair senza essar avdüda evant)
O ciär Tumee! ormai je t’ à truvaa!
Dopo da tantal pezz, ch’ i t’ à ciarcaa,
Dopo essar corsa tant in ent e in or,
950Cun tanta tema, cun tant peis sul cor.
STAMPA. Parciee at tema, o dulč angial mee?
Nu tramlär plü, iss ca tü è cun je.
E t’ avdeir tü, am passa or da la ment
I panzeir trist, c’ am fagevan turment.
955
ANIN. Je à ben capii dalunga ch’ i t’ à ’vdü,
Ca qualčhi dašplašeir tü veiv’ er tü.
Dim casa c’ l’ è. Oh, vessa la fortüna
Dat pudeir rallegrär iss’ e edüna!
STAMPA. O l’ è nagot. Am veiva rabiantaa
960Cul see procedar la Comunità,
E tant am veiva toscantaa i panzeir,
Ca quel ch’ è blanc, am parev’ essar neir.
Ma tü, cas’ è ’l, ca ’t à tant spavantäda?
Ca em ciarcär tü gniva insci ingosciäda?
965ANIN. O ciära tü, cas’ am fat gnir e ment?
Je à ent al cor ün trist presentiment;
Presentiment, ca je nu sà spiegär,
Ma ca pel ben ch’ it vöi am fa tramlär.
STAMPA. Sa tü’ m vol ben, ciära, nu badär mia
970E tütč’ i sömi da la fantasia;
La fantasia fa spass cui nos panzeir,
El cuntrari dal vero las fa ’vdeir. Romanische Forschungen XXXVII. 5