[p. 80] Je nul fagess, sa nul füss per l’ amur.
O povr’ Anin! je’ t met la döia in sen;
Ma in altar möd je’ t fagiarà dal ben.
(Giò la tenda).
SCENA VIII.
RADOLF PRAVOST cun üna pergamena in man spassegia
cun BARTOLOMEO MATURO.
1165PRAVOST. Trista è la nova, ca m’ è statč purtaa:
Gian Pontisella è mort; ma l’ à lasciaa
Indree ün fì, ca fa dašort sperär
Ün òm da gran valur da davantär.
MATURO. O quel brav’ òm! Iddio’ i dea la päš
1170Eterna, riserväda e qui c’ ai pläš
D’ assümar ent al regn da la si grazia!
PRAVOST. Ma per nualtar l’ è üna dišgrazia.
MATURO. Però, sa ün lavurant Dio à clamaa
Or da la vigna, ün altar l’ à mandaa.
1175Paul Vergerio d’ Italia e fugii,
Per as salvär, e in la Rezia è gnii.
Gnii da Pušlav, e passaa la Bernina,
L’ à riformaa’ l comün da Puntrašina,
E iss’ in Ingiadina cun gran zelo
1180Al va samnand al gran da l’ Evangelo.
Er in Bragaia as diš cal rivarà,
La causa e propugnär dii riformaa.
PRAVOST. Quel l’ è ben bun; parciee ai n’ è anca bier,
Ca in la veila fè vöian rastär.
1185MATURO. Fra i nos pais la nöiva adottaa an
Stampa, Burnöif, Caltüra e Visavran;
[p. 81] Qui da Muntačč no anca, ca’ i daspläš,
Al see sant’ Antonin mandär in päš.
PRAVOST. E ben, pazienza! as lascia, ca ognün
1190As regla giüst dree la si persuašiun.
Cul temp la causa da la verità
Vittoria sur da tütč riportarà.
MATURO. In Bragaia dòi nig tegnan in pè
Al zelo sempar per l’ antica fè:
1195San Gadenz sü Casaccia, e Nossa - Dona
Da Castelmür, sacräda e la Madona.