110Vergerio, e’ i altar, c’ al tira in pacaa.
BENED. E per tant plü ottegnir esaudiziun,
Lan reliquia dal Santo in processiun
C’ um port’ intorn giò per al vic intant,
Lan litania dal San Gadenz cantand.
(I van).
SCENA III.
Al vegn diversi fanč in l’ istess lög.
1151. Gnì fanč, gnì fanč, gnì cià tütci chilò!
Qualchi bii spass in tantci fär um pò.
2. Am anc da fär quel, c’ um à fatč eir seira?
O el mantun, o e la cipaceira?
3. Oh ba, ba, ba! quel l’ è tüt quant marocca!
120Al meiar l’ è c’ um fagia e la magnocca.
[p. 87] 4. E’ s mett’ r in fila cià fagev evant!
Tü Gian dromb ora, ca tü è ’l pü grand.
GIAN. Pan ün, pan dòi, pan tre, pan quattar,
Pan cinc, pan seiš, pan sett, pan ott:
125Va là, tü Giacum, ca tü è’ l pan cott!
GIACUM. Ecco la tana! Chilò i’ m sentarà.
Vòaltar ev zopär inget pür là!
3. Tegn sü i dòi man, e quat’ i öil dabot:
Ma intant c’ um va, nu ciütär or ad zot.
(I van, e Giacum, tö giò i man e scumenz’ e guardär intorn).
1304. Ah tü, ah tü! trop preist tü à guardaa;
Taz, Giacum, taz; je nu sun anc’ zopaa.
(Giacum torn e quatär i öil, e l’ altar va).
GIACUM. Aia da gnir?
VUŠ. Ad ura vegn!
GIACUM. Oho,
135Am è parü, c’ al sea ent da chilò!
(Al va d’ üna banda, e pö lü e ün altar tornan corand e toccär
la tana).
GIACUM. Tü è, tü è; cà je’ t veiva già ’vdü!
3. Je à toccaa la tana evant cu tü!
GIACUM. Evant cu tü je l’ à toccäda je!
(Intant ch’ i cuntendan an vegn ün altar d’ ün altra banda corand).