Denton il temps ruchegia,
E cun lavur e bregia,
Cun enqual narradat
90E denteren risadas,
Las vias ein cuntschadas
Puspei per ina stad.
In bien di.
Dallas alps ei la muaglia
Returnada alla bassa;
Muntanaders ein en tegia,
Miran la raccolta grassa.
5 Loschs de sias ovras fatgas,
Il signun lai ver la stèra,
Mussa sin las crunas pleinas
Ils products ord la caldera.
Tutta notg ils umens peisan
10La roschada de magnuccas;
Las pli veglias seturnadas,
Las davosas frestgas luccas.
Il signun cun caultscha cutta
Aud’ il laud dils muntanaders;
15Tuts ses scazzis sin stadera
Port’ el or a ses quintaders.
Tut il latg vegn mess en summa
En preschientscha dil cau - tegia:
Tut prument vegn prius per nota,
20Ch’ en il quenn bien uorden regia . . .
La damaun sisu arrivan
Si da casa menadiras;
Mintga pur vul la rendida:
Ils products dellas latgiras.
25La davosa groma tratga
La panaglia fa a mogna;
Siu davos magnuc il zezen
Ord caldera oz palprogna.
Muntanaders e cautegia
30Compartgeschan quei che tucca
A scadin dils pursanavels;
Piaun, tschagrun, caschiel magnucca
Cun plascher ins fa la carga,
Ils gurvets ein en parada;
35Ord tschaler vegn la raccolta
Sin las schliusas cavegliada.
Il cautegia cheu propona
L’ oraziun a la chischada,
Per benedicziun retscharta
40Sin quell’ alp la stad vergada.
Sia carga bein ligiada
Mintga pur uss aunc urenta,
E cul cor en contentientscha
Ord il stavel el s’ absenta.
45Roclan buca las magnuccas
Tral muletg e giud tessaglias,
Vegn la carga bein a casa
Cun ils scazzis en tuaglias.
Gia sin porta mira, spetga
50Cun merveglias la massera;
Bein pinada ei la scaffa,
La bagnera per la stera.
Tras vischnaunca vegn la retscha
Dellas schliusas emplenidas,
55Ord il letg de strom en trucca
Las magnuccas vegnan pridas;
Ils tschagruns, enqual cun barba,
Tut la rauba vegn scargada;
Gleiti lu la perdunonza
60En il vitg vegn celebrada.