| Questa pagina è stata trascritta, formattata e riletta. |
| — 26 — |
[[Categoria:Pagine che usano RigaIntestazione|Fontana - La polpetta del Re.djvu{{padleft:28|3|0]]
— «Ehi, sur Dottor, ch’el faga prest, ch’el faga!»
— «Ma, in dove l’è el gilè, brutta lumaga?»
— «Andemm donca!» — «Sont chì!... Ah, marcadetta!
«Desmentegavi asquas la mia bacchetta!»
El Scianin l’ha sentii quell ch’è success,
e ghè vegnuu mò adess
on penser: che la Cà
del Re, essend la Cà de l’Abbondanza,
andandegh, cert lù el podarà trovà
quajcoss de mett in panza...
Sicchè el ven foeura del sò cantinin,
e, pian pianin, — el côr
alla gran Cort del Re-Ciappachelghè
cont el Camerlecaj e col Dottor!