— «Basta!... Silenzio!... A mort!...
  «Sulla forca!» se mètten a sbraggià
  tutti i giudes in coro coi facc smort.
  El voeur trass giò la gola el Can de Dia;
  e, in mezz ai testimoni,
  el Coeugh, el Màgol e la vèggia Stria,
  sbraggen pussée de tucc come demoni!

  Mago, magasc,
  che te poda s’cioppà el petasc!
  Ti, vèggia Strìa,
  che te staghet cent’ann in agonia!
  Ti, Can de Dia,
  che el nas el te borla via!
  E ti, porco Coeugh,
  che te podet borlà in del foeugh!

Denanz a quella scenna, el poer Scianin
  el va in deliqui per el gran magon;
  e allora duu mastin
  el porten via de pes anmò in preson.