Romulei cinuere duces, hoc suscipe gratum
  Damis opus, vulgo quo numquam doctius ullit
  Ante reor simili compactum carmine sæclis.
  5Nec tibi sit durum versus vidisse postæ
  Exsulis, ex patrio tantum sermone sonoros,
  Frondibus ac nullis redimiti crimine iniquæ
  Fortunæ. Hoc etenim exsilium potuisse futuris
  Quid metrum vulgare queat monstrare modernum
  10Causa fuit vati; non quod persæpe frementes
  Invidia dixere truces, quod nescius olim
  Egerit hoc auctor. novisti forsan & ipse,
  Traxerit ut juvenem Phœbus per celsa nivosi
  Cyprheos, mediosque sinus, tacitosque recessus
  15Naturæ, cælique vias, terræque, marisque,
  Aonios fontes, Parnassi culmen, & antra
  Julia, Pariseos dudum, extremosque Britannos,
  Hinc illi egregium sacro moderamine virtus
  Theologi, Vatisque dedit, simul atque Sophia
  20Agnomen, factusque est magna gloria gentis
  Altera Florigenum, meritis tamen improba lauris
  Mors properata nimis vetuit vincire capillos.
Insuper & coram si nudas ire Camænas
  Forte putas primo intuitu; si claustra Plutonis
  25Mente quidem reseres, amnem, momtemq; superbum
  Atque Jovis solium sacris vestirior umbris
  Sublimes sensus cernes, & vertice Nisæ
  Plectra movere Dei Musas, ac ordine miro
  Cuncta trahi, divesque libens, Erit alter ab illo
  30Quem laudas, meritoq; colis per sæcula, Dantes,
  Quem genuit grandis vatum Florentia mater,
  Et veneratur ovans, nomen celebrisque per urbes
  Ingentes fert grande suum, duce nomine nati,