4. Ed usche las duonnas finas,
  Già scu ’l solit lur intent
  Haun obtgnien cullas bellinas,
  Fand ir tuot a lur talent.

5. Ah, schi viva la compagnia
  Da noss homens maridos,
  In sutand cou allegria
  Cun lur homens abbratschos.

1. La bella prümavaira
  Darcho tar nus arriva;
  La terra, chi dormiva,
  As sdaisd’in sia vigur.
  Tuorna, portand la dmura
  Felice alla natüra;
  L’umauna creatüra
  Eir gioda sia favur.

2. Spunta darcho con pumpa
  Oursuot la naiv l’ervetta,
  Ma ’1 prüm la minchületta
  Scu clev da tuottas fluors.
  Ecco dalum cumainzan
  Ad ir aint las quadrias,
  Chi sun dal pur las sias
  Las pü priimas lavuors.

3. Dal lung inviern gnieus oura,
  Ils corps, chi greiv s’sentivan,
  Darcheu as riavivan
  E ’s saintan pü ligers.
  Cuntaints tuots ed allegers
  D’la vgnüda d’prümavaira,
  Ils lavuraints fin saira
  Cultivan pros ed ers.