Lur graziusas fatsclias
  E chera compagnia
  Nun smancheregians via
  Sgiir in eternited.

7. Intin a quels, chi restan
  Acqui da nossa classa,
  Ingrazchamaints ün passa
  D’entrambi cun plaschair
  Da taunta bella vita
  Insembel passanteda.
  Da grazchia, Dieu ’ns conceda,
  Darcho bod d’ans revair.

1. La pizza rebomba, ma na da chanuns;
  Quels han fini lur lavur.
  Ma, uossa strasunan be tuns da chanzuns
  A lod ed onur da Dufour.

2. Ma che ha ’1 dimen’operà quaist Dufour,
  Cha ün usche ot il dechanta?
  Ha el sulet be con agna valur
  Portà victori’ usche granda?

3. O na, con seis nom vain lodà ogni ün,
  As onura immincha sudà,
  Chi con sai po dir: eir eu sun stat ün
  Da quels, chi l’han seguità.

4. Perquai, schi evviva! E demuoss’eir a chà,
  Cha tü da Dufour sajast stat degn sudà.