Udis puspei co l' aua croda
Cun grond fraccas ord la canal!
Udis a scadanar la roda
Sissum il vitg odem la vall!
5La roda dil mulin pussava
Sut aulta neiv daditg enneu,
Ed il mulin daditg camava
Sco bandunaus e tut murtgeu.
Oz da marvegl gl' ual tschalatta
10 Ch' ins auda l' aua lunsch entuorn
E dal rebatter ch' ei rebatta
Prest destedaus vegn il contuorn.
Sur notg, duront che tut dormeva,
Gl' emprem fagugn ei arrivaus,
15 E dalla neiv, ch' il funs cuvreva,
Sur notg il funs ei terrenaus.