Sin via neidia, lada,
Da rosas mo semnada,
Va quel ch' ei rechs en beins.
Cu el sin via passa
Tut che la testa sbassa,
Spendend ad el intscheins.
In pign quitau molesta
Trublesch' empau la testa
Ad' el enqual moment.
10 Tgei interpresa renda
La meglra dividenda,
Tgei banc' il pli procent?
Mo 'l di de la vendetga
Cu il Derschader dretga
15 En tschiel ch' ei va snavurs:
Enqual rech lu la plazza
Midass cun quella razza
De paupers rugadurs!