La fossa ei profunda,
Sgarscheivels ein ses urs;
Zupaus ei sut la spunda
In liug che fa snavurs.
5 Cheu spusas adumbatten
Han cauldas larmas spons,
Cheu adumbatten stattan
Bia bandunai affons.
Ins anfla la ventira
10 Sin tiara cheu nigliu;
Mo quella porta stgira
Nus meina tier nies Diu.
Savens nies cor cheu plonscha,
Cheu en quei dir combat,
15 La pasch' el mo contonscha
Leu nu' ch' el eri stat.