Jeu sundel in pupratsch,
Privaus dalla vesida;
Von mei sesarv' il tratsch,
La fossa profundida.
5 Mes dis ein uss dumbrai,
La mort s' approximescha.
Il temps vargau, el mai
Danovamein pli nescha.
Spartend jeu dal present,
10 Vus tuts, mes cars salidel.
Schegie mo cuort moment
Staus cheu, vus mai emblidel.
Er' vus buc emblidei
Vi mei, che vus bandunel:
15 Ed a mi pardunei
Sco jeu da cor pardunel.
Leu si nus sevesein,
Tier Diu, nies car Scaffider;
E leu nus s' embratschein
20 Per mai nus sedivider.