Vid l' egliada frestga, clara
Stoi adina se legrar;
Il maletg, che leu compara
Tgei ha quel bein de muntar?
5 L' innocenza casta, biala
Schai affuns êgl egl carin,
Flada forza celestiala,
Enconnuscha nuot cumin.
Hai pil petschen tonta stenta,
10 Hai per el giu tonts quitaus;
In 'egliada mei contenta
E cun quella sun pagaus.
O, ti cara creatira,
Dieus conservi po a ti!
15 Quell' egliada da ventira,
L' innocenza cul tschupi.