Eir quaist infaunt bain s-chaffieu
Da tieu maun, o Segner
Fo cha ’l saja benedieu
Saimper cun al tegner.

5 In tieus mauns, chür’et agüd
Buna semd’et via
Chaminand sün la virtüd
Et la vöglia tia.

Eau incleg scumbod sortieu
10 Da sa fasch’et chünna
Schi cha quaist saj’ il partieu
Chi dschermögl’adüna.

In sieu cour, sieu pet et spiert
Digia nell’infaunza
15 Cha usche bain bod cufüert
Ans daro ’l et spraunza.

Eau nun craj necessited
Giavüschs d’and fer oters
Tuorn quaist a recommander
20 A te, Dieu, sco ’ls oters.

Our d’ paglioula leiva tü
Bod la pagliolainta;
Do la algrezia vi e pü
Dal früt ch’ la latainta.

25 E las forzas turnanter
Alla vita sia,
Vögliast eir verificher
Tuots arövs fat quia.