Tü est sieu craunz, o rösa dutsch’e fina,
E tü sieu let, o casta gilg’e bella,
Compagnas amenduos cun dret a quella,
Chi dorm’in fraid vaschè la pü divina!

5 Al quêl serafica legiun s’inclina,
Psalmodiand: „finida ais l’urella
Da tieu umaun repos, o Giuvintschella!
Il paradis, quel brama sia regina.“

E sorridind amur e grazia, s’evra
10 Sieu ögl celest, chi ogni stail’ins-chüra
E tuot il mel da beadentscha zevra.

Allura vain col sun da melodias
Deliziusas quella mamma püra
Ozed’al trun sublim del pür Messias.