Confida ’m cha Dieu ’t peja!
Che voul que dir: amur?
„Duos ormas, ün’ideja!
Duos cours, üna chalur!“

5 E sia provenienza?
„Provain d’ün cour arsaint.“
Inua sia partenza?
„In ün sumgiaunt, sumgiaunt.“

Quel’ais la pü profuonda?
10 „La quaid’amur per te.“
E quela s-chett’avuonda?
„L’amur, chi smauncha se.“

Richissma cur ais ella?
„Dunand a bel duner.“
15 E quel’ais sia favella?
„Taschair, taschair, amer!“

[p. 37] O di ’m, cha Dieu a peja!
Ais propi que l’amur?
„Duos ormas, ün’ideja!
20 Duos cours, üna chalur.“