Eau svess, al quel be larma e sospir
Nairezzas indiciblas haun covieu,
Legiand mieu cher collega, he stovieu
Irresistibelmaing squasser dal rir.

5 Que prova, cha, sch’el voul be divertir,
El sgür e tschert sieu fin ho conseguieu.
Pigliè vos plüch! eau pigl serain il mieu
Da quel, chi so uschè glischin ferir.

In s-chet romauntsch ho ’l sgualattô dal sach
10 Cun tel umur nos pretsch e nossas mendas,
Il prus e quel, chi ho noschdet a sfrach,

Il chüz e quel, chi viva da sias rendas,
Ch’eau l’am e bram, sainz’esser plach e brach,
Stimos lectuors, cha voss’amur al spendas!