N bossolot de smir,
na faoz, en manarot,
la pera co n coder,
en pich da nmanegà,
na forca su l archer,
doi dambre svergolade,
na fum senza la spola,
na carga de asenade.

En manech de cazola,
na roda de barela,
n moto de ridola,
la femena nfotada,
na cica de toscan,
n cugn, na ronconela,
n sbrendolon de n can.

En viero da feral,
zercio de bariza,
na feda nseneghida,
le man che ghe fà spiza,
en car che no cen strada,
na giaca reversada,
la refa su le spale,
na straza de rabul,
e doi tacogn su l cul.