Negun t’à mai damandà
ce che t’araes vorù esse.

Negun el s’à mai damandà
se chel che t’as fato
l ea chel che vorees fei.

Negun el s’à mai fato
de ra damandes conpagnes.

Ades te ‘siaras inze un posto
agnó che te fajaras damandes
zenza paura de ra rispostes.

Te ujoraras inze un sito,
là te ciataras risposta
a duta ra tò damandes.

Opura no ghin sarà pi
rispostes da aé,
parceche no ghin sarà pi
damandes da fei.