La roba pi bela
é avé na ciasuta
un posto adoe ruà
serasse la porta
fermasse e paussà

Tirasse doe some
parlà anche da sole
sgorlà un tin la testa
e fei na piandesta

La roba pi bela
é avé na fornela
un secio de legne
un libro da liede.

Sentasse sul scal
con un gos de café
scoltà l len che brusa
sciaudasse un tin i pè

E canche nevea
é duto pi bel
stà là a vardà fora
visin a sto spolèr

E in medo a sti fioche
che i scuerde al cianton
pensasse de n ota …
e stà col magon.