Sona sona canpanela,
sona presto e sona tardi,
trà lontan la to vos bela,
no stà farte dei riguardi.

Sona senper canpanela
che te sente ogni balcon,
có te Cesa na candela
ciama tuti a le funzion.

Sona pur, o canpanela,
cuant che i nas e cuant che i mor,
sona forte e sona snela
co doi cor se font l amor.

Sona sec, no esser lenta,
trà i to bot senper de pi,
cuant che fuma na polenta
sul mantìl a mezzodì.

Sona l maio in mez ai fior
cuant che i dì se fà pi ciari,
se fa grant anca l nos cor
co t i ciama pa l Rosari.

Te l invern da la to Pieve,
tuta bianca, en ventesel,
el passa e l và sora la neve
e l to canto arzonz el ziel.