Na ota la funzionèa
ades no la va pì. Algo
se à roto, ma no sèi
proprio chè. Alora la mare
la rienpia de patate,
de grassa, de tera par
dì a fei ruoi. La partia
pian pianin, pendesta
sui truoi dai braze
e da la schena piegada
in avante par fei leva.
La mare à nsegnou
a dute de noi come se fà
dì avante na careola. No
me son mai desmenteou
ma ades algo proprio no và
e no son pì bon de giustala.
Forse l é massa vecia,
co la ruoda scassinada
o forse me mancia la vuoia,
no ei pi bisuoi de chela
trapola da museo. Meo
bétela te cianeva a marzì.