< Suns ed accords
| Questo testo è incompleto. |
La sera sper il lag
| ◄ | 7 | 9 | ► |
La sera sper il lag.
Solemn ruaus cheu silla riva,
D' umbriva stat il lag curclaus:
Il bi solegl cun glisch tardiva
Davos ils quolms ei sesbassaus.
5 Utschals ruaussan e cupidan,
Bufatg bufatg gl' uaul trai flad;
Encunter tschiel las flurs salidan
Cun plaids carins de pietat.
E giu da tschiel las steilas biaras,
10 Migieivel miran giu el stgir —
Miu cor, miu cor, tgei aunc empiaras,
Va era ti tier dultsch dormir!
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.