Taidla, taidla, ma figlietta,
Taidla, taidla meis cour char,
Chi ais gnü l’occasiun
Scha tü voust at maridar.

5 O schi, schi la mi ’mammetta,
Eu fetsch svelt a dir da schi,
Bast’ chi saj’ ün bel giuvnet
E da cour ch’el plasch’a mi.

O schi schi, la mi’ figlietta,
10 Ed ais ün hom, chi viver ’s po;
Ed ais ün hom, chi ha respet
E’ t domanda per muglier.

O na na, la mi ’mammetta,
Eu nun vögl a quaist trid vegl,
15 Eu vul propi ün bel giuvnet,
Intschnà fetsch sainz’am maridar.

O schi schi, la mi ’figlietta,
Piglia pür ün bel giuvnet;
Que ais propi ün hom per tai,
20 Bastunadas at darà’ l.