Ai mo, la figlia dalla mulinera
Ais saimper steda ma marusa chera.

E cur cha giaiva par la dumander,
Schi vaivl’adüna qualchiosa da fer.

5 E cur cha giaiva vi par la raspoasta,
Schi vaivl’adüna bain sarô la porta.

„Marusa chera, ve be our da porta,
E dom a me üna buna raspoasta.“

„Or sün ma porta cha poss bain river,
10 Ma madinà cha num voelg marider.

Tü dist adüna, ch’eu nu saia netta;
Nun he êr saira lavô la planetta?

Tü dist adüna, ch’eu nu fatsch ünguotta;
Nun he êr saira cuschinô la giuotta?

15 Tu dist adüna, ch’eu nu saja davaglia;
Nun he êr saira lavô la tuaglia?

Schi uossa vo tü pür eir par tas vias,
E scha survengst, schi drizzat cumpagnia.“