| Questo testo è completo, ma ancora da rileggere. |
| ◄ | Ed eiran duos compagns | Ils tschels, quels cuschidran (2) | ► |
Volkslieder di Autori vari (1908)
40.
(Annalas XI, Vital, p. 188.)
Buna saira! Vegn a faira
Tiers vus giunfras bellas,
Chi stais tschantadas süsom banc
Con voss marus col man in flanc
5 A discurrir con els.
Chi eschat vus? Chi eschat vus?
Usche ün bel compagn,
Chi saglis con ün tal sforz,
E mettais il chapè tort
10 E spruns eir alla moda?
Eu sun ün figl, bain gentil,
Dad ün merchadant;
Eu vend surplins, peidras da fö,
Bulai ed oter a meis möd,
15 Cha bazs a mai non mancan.
Ün tal commers non po gnir smers,
Con tantas merchanzias.
Vus’ vais radschun da ’s gloriar,
Mats e mattas d’ingiannar,
20 Que ais raba da rier!
Da far ün spass da bels mats
Sun eu eir bain capabel,
Ad ir in Frantsch’e Piemont
E dar ün sagl per tuot il muond,
25 Turnar a chas’ün asen!