Amez chëra beliscima munt él alʼ incrujada dles strades n gran sas, veramënter n crëp; nia dalunc da chësc él n lëgn da chersces, forsc lʼ unich alʼ altëza de passa 5000 pîsc sura le mer. Chiló dess pa ester zacan na gran batalia, no cun i Türc, sciöche zacá dij, mo cun chi dla Svizera; mo denant mëss gní fat a Ciastelrot la dlijia nöia, y tomé ite lʼ öt. Bëgn, chësc é sozedü ël, mo i Svizeri á pa ciamó da gní ëi y da fá na stala da ciavai fora dla dlijia. Probabilmënter él ci i Svizeri, che stá plü ion a ciasa co gní da Gherdëna ite a fá vera.