Stevo Bronbo l’ha tre fie¹,
Ca son tute ’nnamorà,

A son non tre maravie²,
Ma gnanch³ da canpè⁴ ’ntla strà⁵.

5Una è bionda, l’autra è bruna,
L’autra del color cafè,
A voria trovè duna⁶
Quaicadun, ch’ai voleis piè⁷.

Son butasse⁸ antorn al pare⁹,
10Ch’ai sercheissa quaich partì¹⁰;
I’ha risposi: mie fie care,
Lassè pura fè da mi.

I’è tre¹¹ giovo, sai dont pieie¹²,
Ca stan tuti tre sul so¹³;
15I’ mandreu sotman¹⁴ parleie,
A dican po men che dno¹⁵

L’han ancor, da lo ch’i sento,
Tuti tre la soa virtù;
Un fa i fus¹⁶, e l’autr’i pento¹⁷,
20L’autr’è cap di feramiù¹⁸.

Son andait a visiteie;
D’longh¹⁹ ca son stait avisà,
A l’han fait nen moch²⁰ goardeie,
A son stane carpionà^{21§ 1}

25Ant el temp da plè²² na rava
L’han rangià tuti iafè²³,
I’un la pressa i sbergialava,
I’aitri avia ’l feu darè²⁴.

Così tuti ansem a fero²⁵.
30Le promesse a la volà,

E per testimonj a pièro²⁶
Giambatista e Nicolà.
L’andoman a s’ son levasse
Tuti tre sul fè del dì,
A son d’una desgragiasse
E marcià a fesse vestì²⁷.
Una del color d’anguilla,
L’autra del color del breu²⁸
E la tersa l’han vestita
D’un garnao tra verd e bleu²⁹.
Tre dì apres a son sposasse
Chi l’avria mai credù?
E le nosse, ch’a son fasse,
I’han costaie pì d’un scù³⁰.
Turni l’ past cola brigada³¹
Dop’aveie tafià pro³²,
S’artirer³³ a la sfilada,
Sodisfà de coi ragò³⁴
Coste nosse e sti mariage
Fait ansem li su doi pè.
L’han fait riè ant³⁵ col vilage,
Tuti quanti a stranbalè
A l’aviò le livrèe
Del color di fricandò,
E le gent dant le butèe³⁶
Tutt surtiò a feie di oh³⁷.
L’andoman matin andèro
Sentì messa vers mesdì,
E ni pì ni manch al’ero
Ancor tuit mes’ancutì.³⁸

A ventava npò³⁹ sentie
Sonsonè tut longh dla strà,
Smiava⁴⁰ propri un bus d’avie⁴¹,
O ’n vespè ’ntel bon dl’istà⁴².
 
A goardè ste maravie
Basta dì, tut’è corù⁴³,
Perchè d’cose pì da rie
Gnun avia mai vedù.