< Pagina:Çittara zeneize 1745.djvu
Questa pagina è ancora da trascrivere o è incompleta.

CANÇON III.

S
tanco da ro travaggio

D’avei per longa peçça a ra soriggia[1]
Ronca ciù d’uña liggia,
Destanao ciù d'un baggio,
5E rotto a son de córpi de pâferro
E sassi e rocche dure come ferro;
Misso comme a partîo
Da ro súo, da ro sciao,
Ma ciù da Amô, chi moǽ no ghe fa fio,[2]
10Con gambe de battúo strangosciao,
Sott’uña gran castagna
A ro pê dra montagna
Ranghezzando, reduto in sciù ra fin,
Così cantà l’iñamorao Perrin.

15Aora che in ogni lœugo,[3]
Comme ro Çê sæ quarche gran fornaxe,
L’ære va tutta in braxe,
Ro mondo è tutto un fœugo;
Che ro Sô in Lion, per dî cosíe,
20Menaçça de scciappâ fin a re prie;
Che ogni oxellin confuso,
Sequestrao dent’ra taña,
No s’incalla trâ becco da pertuzo:

  1. ↑ Sotto la sferza del Sol cocente.
  2. ↑ Che non mai gli dà a credenza un momento di riposo.
  3. ↑ Imitato dalla seconda Egloga di Viriglio.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.