XIII.
Digghe, che un’atra eterna
A ro son dra sò famma,
Chì tra noî zà mirabile e stupendo,
Mentre Lê zù governa,
Ro Çê sciù ne recamma,
Ra quâ de nostra man se va tescendo:
Che per gusto n’appendo
Spesso tra questi rammi
In mœuo de ghirlanda
Ro sboçço in ogni banda,
Con abbelline tutti questi andammi;
Che zà, con fâne ciaçça,
Tutto ro Çê ne giubila e ne sguaçça.

XIV.
Che intrepido o sostegne
Con cœu libero e franco
Ro peizo dro Governo e dro Comando:
Che incorrotta o mantegne
Pe ro ciù, pe ro manco
Ra Giustiçia, che in Lê se stà spegiando;
Che ro Çê destinando,
Con scrive e con vei tutto
A œuggi ciù che d’Argo,
Per quanto o poære largo,^[1]