< Pagina:Çittara zeneize 1745.djvu
Questa pagina è ancora da trascrivere o è incompleta.

Versi sciù donca a tutta furia in campo!
E ro tron e ro lampo
E dri versi e dra veña sen ciù lenti.
Versi, a bocca de sacco:
Veña, a furô de Bacco,
A vin,[1] per çelebrâ Regia Coroña,
Fæto divin con l’ægua d’Elicoña.

XXII.
Añimo, Muze, avanti.
In Famiggia illustrâ da tanti raggi
D’Eroi e Personaggi
Per tanti lustri e secoli abondanti,
Quâ sarà ro retræto
Assemeggiante in fæto
Ro nostro Duxe Spiñora, de nœuvo
In Çê de Giano Viçe-Giano nœuvo?

XXIII.
Tra re graçie diviñe
Proprie d’Apollo, quando o l'è de luña,
Questa chì sæ quell’uña,[2]
Che ra Muza, in sò graçia, l’adeviñe.
Sæ questo giorno chíe
Quello che a l’anno o rie.

  1. ↑ Soiritosa, come di vino.
  2. ↑ Apollo faccia grazia alla Musa d'indovinare, qual sia il ritratto dimandato nella stanza di sopra.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.