[[Categoria:Pagine che usano RigaIntestazione|Goldoni - Opere complete, Venezia 1907, I.djvu{{padleft:411|3|0]] in pegno, i mobili xe bollai, la bottega xe voda, onde mi no gh’ho più gnente^[1] da far. Fin che i creditori me lassa in pase, tiro de longo sul resto de quelle fregole che ghe xe; se i scomenzia a far brutto muso, con un felippo vago a Ferrara, e chi s’ha visto, s’ha visto. Cossa farà la mia cara siora muggier, che a forza d’ambizion, de mode e de conversazion m’ha dà la spenta per far la tombola? Adesso anca ela la farà una bella fegura. So danno, no ghe ne penso un figo, la merita pezo. Se la gh’avesse giudizio, per liberarse da sti travaggi la doverave crepar. M’ho muà de camisa una volta, poi esser che me tornasse a muar la segonda. Quel che me despiase, xe quel povero mio fio. Anca la dota de so mare gh’ho consuma. Ma cossa serve? L’ha godesto anca elo; el xe zovene, ch’el se inzegna, el troverà qualcun che l’agiuterà, e se el ghe n’averà elo, bisognerà che el me ne daga anca a mi. A bon conto tirerò sti trenta zecchini da siora Clarice. Pussibile che la me li fazza penar? No credo mai. Ho fatto tanto per ela, e adesso la sa el mio stato... Oh per diana, che xe qua mia muggier. Animo a sto siropetto.

Aurelia. E bene, signor marito, che pensate di fare?

Pantalone. Per mi gh’ho pensà, patrona.

Aurelia. Si può sapere la vostra risoluzione?

Pantalone. Per le poste a Ferrara.

Aurelia. Ed io?

Pantalone. E vu resterè a Venezia.

Aurelia. Indiscreto! Avreste cuore d’abbandonarmi?

Pantalone. Vardè che casi! Gh’aveu paura a dormir sola?

Aurelia. Voglio venir con voi.

Pantalone. Oh, questo po no.

1. ↑ Savioli e Zatta: niente.