< Pagina:Goldoni - Opere complete, Venezia 1908, II.djvu
Questa pagina è stata trascritta, formattata e riletta.
128 ATTO SECONDO

[[Categoria:Pagine che usano RigaIntestazione|Goldoni - Opere complete, Venezia 1908, II.djvu{{padleft:134|3|0]]

SCENA IX.

Camera in casa del Dottore, con tavolino e sedie.

Tonino solo a sedere, poi Brighella.

Tonino. Xe un’ora che stago qua a far anticamera, e sta patrona no la se vede. No vorave che i m’avesse tolto per gonzo, e che i me volesse tegnir in reputazion la marcanzia, per farmela pagar cara. A Tonin no i ghe la ficca. Son venezian, son cortesan, e tanto basta. Anemo, o drento, o fora. Oe, gh’è nissun in casa[1]?

Brighella. Son qua a servirla. Cossa comandela?

Tonino. Chi seu vu, sior?

Brighella. Son servitor de casa.

Tonino. (Cancarazzo! Livrea?) (da sé) Diseme, amigo, la vostra patrona fala grazia[2], o vaghio via?

Brighella. Adesso la vago subito a far vegnir. Perchè mi, sala, son servitor antico[3] de casa, e anca bon servitor della fameggia Bisognosi.

Tonino. Me cognosseu mi?

Brighella. Ho cognossuo el so signor[4] fradello. Un zovene veramente de garbo.

Tonino. Dove l’aveu cognossù[5]?

Brighella. A Venezia.

Tonino. Donca l’avere cognossù putelo[lower-alpha 1].

Brighella. Anzi grando e grosso... Ma vien la patrona.

Tonino. No no, diseme. Come l’aveu cognossù a Venezia grando e grosso?

Brighella. La me perdona, bisogna che vada. Se parleremo meggio: all’onor de servirla. (parte)

  1. ↑ Putelo, ragazzo.
  1. ↑ Sav. e Zatta: gh’è nissun?
  2. ↑ Far grazia, farsi «molto pregare e desiderare»: detto «familiare ed ironico». V. Boerio.
  3. ↑ Bettin.: antigo.
  4. ↑ Sav. e Zatta: sior.
  5. ↑ Savioli e Zatta: cognossuo.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.