< Pagina:Goldoni - Opere complete, Venezia 1908, II.djvu
Questa pagina è stata trascritta, formattata e riletta.

LA BUONA MOGLIE 555

[[Categoria:Pagine che usano RigaIntestazione|Goldoni - Opere complete, Venezia 1908, II.djvu{{padleft:565|3|0]] morto, incocalio[lower-alpha 1]. Lori i xe al giazzo e lu spende. Ti, povera grama, ti zoni[1], e là se tripudia.

Bettina. Pussibile sta cossa?

Catte. Sì anca varenta[2] i mii ochi[lower-alpha 2], vara.

Pantalone. Siora Marchesa de Ripaverde, muggier de quello che giera innamorà de Bettina?

Catte. Giusto quela.

Bettina. Una persona civil fa de sta sorte de azion?

Catte. La fame, cara sorela, fa far de tuto.

Bettina. Ma se i giera tanto richi?

Catte. No xe miga oro tuto quel che luse. Se ti savessi quanti che ghe xe che fa fegura de richi e i va frizendo[lower-alpha 3]! Tuti i gropi i vien al pètene[3], e bisogna che i daga el preterito in tera.

Bettina. Pussibile che el mio Pasqualin me fazza sto torto?

Catte. S’el t’ha fato torto? E come!

Pantalone. Che no la sia qualche faloppa[4] compagna de quella de la turchese e del tabaro[5] comprà su le stiore[6]. So che sè una busiara.

Catte. Coss’è sta busiara? Me maravegio de ela, che la parla in sta maniera. La s’ha negà mia sorela a tior so fio, che noi giera degno d’averla.

Bettina. Ma da chi l’aveu savesto ch’el pratica in quela casa?

Catte. Brighela l’ha dito in confidenza a Arlechin mio mario, perchè i xe patrioti, che i se cognosse, e mio mario me l’ha confidà a mi, perchè el sa che no parlo.

Pantalone. E vu mo l’aveu dito a nessun?

Catte. No l’ho dito a altri che a la fornera, che ti sa che dona che la xe.

  1. ↑ Fuori di sè, e, come un coccale, sorta d’uccello notissimo e sciocco, come l’alocco.
  2. ↑ È quanto dire: giuro per questi occhi che ho in capo.
  3. ↑ Soffrire senza lamento o senza darne indizio. V. Boerio
  1. ↑ Zonar o zunar, digiunare. Boerio.
  2. ↑ «Voce del verbo guarentire»: Boerio.
  3. ↑ Dalle, dalle, i disordini accumulati fanno rovina.
  4. ↑ Bugia, carola.
  5. ↑ Si ricordi la sc. 17, A. II, della Putta onorata.
  6. ↑ Stuoie. Allude, pare, ai famosi mercati nei campi, specialmente in quello di S. Polo.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.