< Pagina:Goldoni - Opere complete, Venezia 1909, VI.djvu
Questa pagina è stata trascritta, formattata e riletta.

I PETTEGOLEZZI DELLE DONNE 441

[[Categoria:Pagine che usano RigaIntestazione|Goldoni - Opere complete, Venezia 1909, VI.djvu{{padleft:453|3|0]]

Cate. Cara ela, la me piase, la nomino. Ghe fala vegnir l’acqua in bocca?

Beatrice. Voi mi fate venir volontà di trattarvi come meritate; ma per non far un dispiacere a questa buona ragazza, mi contento di andarmene, e vi dico, che se non modererete la lingua, ve la farò tagliare. (parte)

Cate. Oh che spasimi! Oh che dolori!

Toni. Saveu cossa che v’ho da dir, siora? Ghe in casa mia no voi dottorezzi; che se sè stada invidada, tratte con civiltà, e se no la savè la civiltà, andè a far i fatti vostri.

Cate. Sì? Me mandè via? No se degno d’averme. Oe, ve ne pentirè.

Checca. vago via, sastu? Ma vôi che ti te recordi de Cate lavandera. (parte)

SCENA III[1].

Checca, Beppo, Pantalone, paron Toni.

Pantalone. Oh che bella conversazion! Oh che parentà che gh’avè! (a Toni)

Toni. Gh’ho gusto che le sia andae via. Faremo meggio le nostre cosse tra de nualtri. Ghecca, xe qua el novizzo, xe qua el compare; se ti vol l’anello, Beppo te lo darà. Siben che no ghe xe comarezzo[lower-alpha 1], n’importa, no mancherà tempo de far un poco de tibidoi[lower-alpha 2].

Checca. Per mi, co ghe xe Beppo, ghe xe tutto el mondo.

Beppo. E mi no desidero altro che la mia Checca.

Pantalone. Via, tiolè: questo xe l’anello, mettèghelo in deo. (a Beppo)

Beppo. Come se fa? Insegnème.

Pantalone. Oh che omo! Ghe vol tanto? Cussì se fa. (prova a mettere l’anello a Checca)

Beppo. Via, via, farò mi. No ve onzè[lower-alpha 3] le man.

  1. ↑ Invito di donne.
  2. ↑ Allegria.
  3. ↑ Ungete.
  1. ↑ È unita, nell’ed. Bettinelli, alla scena precedente.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.