Questa pagina è stata trascritta, formattata e riletta. |
140 | ATTO SECONDO |
[[Categoria:Pagine che usano RigaIntestazione|Goldoni - Opere complete, Venezia 1910, VIII.djvu{{padleft:150|3|0]] ziarol[lower-alpha 1]. Pol esser che el canta[1]. (All’aria el me par Baseggio). (da sè)
Lugrezia. Che roba mai xe quella? No voggio pensar mal, ma in verità, le par lattughetta e ruccola[lower-alpha 2].
SCENA III.
Sior Baseggio in maschera da rigattiere vien cantando, e dette.
Chi ha cuori d’oro[lower-alpha 3] vecchi da vender.
El xe qua el strazzariol
Che farà quel che el puol
Per vender e comprar,
E anca per barattar;
Ma nol xe così matto
De far tristo baratto;
El vende roba netta,
E nol la vol sporchetta.
D’assae nol se ne incura,
Ma el vol roba segura,
Che se possa esitar,
O almanco nolizar;
Ma prima de comprarla
El vorrà visitarla.
Chi ha drappi vecchi,
Chi ha cuori d’oro vecchi da vender.
Orsetta. Sior Baseggio. (a sua madre[2])
Lugrezia. Bravo, mascara, bravo, tire de longo?[3]
Orsetta. (Anca siora Lugrezia lo cognosse?)