< Pagina:Goldoni - Opere complete, Venezia 1911, XII.djvu
Questa pagina è stata trascritta, formattata e riletta.
130 ATTO PRIMO

[[Categoria:Pagine che usano RigaIntestazione|Goldoni - Opere complete, Venezia 1911, XII.djvu{{padleft:136|3|0]]

Gnese. No, no, con donna Rosega no parlo, e no ghe batto.

La m’ha dito za un poco un de no tanto fatto.
Anzoletto. Lassè che prova mi.
Gnese.   Ben, se volè, provè.
Anzoletto. Deme quel secchio.
Gnese.   El secchio?
Anzoletto.   De mi no ve fide?
Gnese. Per fidarme me fido, ma un putto co se diè[1]
Andar col secchio in man...
Anzoletto.   Qua nissun no ghe xe.
Deme quel secchio a mi, no gh’ho certi catarri.
Oh quanti contrabandi se sconde coi tabarri!
Se savessi! se porta, quando se gh’ha el morbin.
Sportele, tovaggioli, canevette[2] de vin.
Vedeu ste macchie? un zorno sotto el tabarro ho sconto
Una polenta conza[3].
Gnese.   Sè ben onto e bisonto!
Anzoletto. Lassè veder sto secchio. Tireve da una banda.
Vardè co facilmente se batte e se domanda.
O de casa. (batte)

SCENA VI.

Donna Rosega e dette.

Rosega.   Chi è?

Anzoletto.   Amici.
Rosega.   Amici boni? (viene alla finestra)
Anzoletto. Bonissimi.
Rosega.   I xe in letto.
Anzoletto.   No domando i paroni.
Ho bisogno de vu.
Rosega.   De mi, sior Anzoletto? "
Vegno da basso subito. (entra)

  1. ↑ Come si deve: vol. II, p. 301.
  2. ↑ «Portafiaschi di legno, in forma quadra»: Boerio.
  3. ↑ Condita
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.