Questa pagina è stata trascritta, formattata e riletta. |
188 | ATTO QUARTO |
[[Categoria:Pagine che usano RigaIntestazione|Goldoni - Opere complete, Venezia 1911, XII.djvu{{padleft:194|3|0]]
Momolo. Intanto...
Anzoletto. Tasi là.
(a Momolo)
Voleu che andemo a spasso? voleu che stemo qua?
(a Meneghina)
Meneghina. Fazzo quel che volè; anca un poco aspettemo.
E pò, se no le vien...
Anzoletto. Se no le vien, andemo.
Momolo. Vôi vegnir anca mi.
Anzoletto. No voggio puttelezzi.
Sta da quel che ti xe.
Momolo. Vôi magnar i mi bezzi.
Meneghina. Vele qua, vele qua.
Anzoletto. Oe, chi gh’ale? chi xeli?
Meneghina. Sior Biasio!
Anzoletto. Sior Zulian! oh che vecchiazzi! oh beli!
SCENA VI.
Gnese, Zanetta, sior Biasio, sior Zulian e detti.
Zulian. Ghe xe dell’altra zente.
Biasio. Qua no paremo bon[2].
Gnese. Eh, che l’è un galantomo, n’importa, vegnì via.
(a Biasio)
Biasio. Lo cognosseu quel zovene? (a Gnese)
Gnese. Oh, mi no so chi el sia.
Biasio. Vorave e no vorave...
Zulian. No so...
Anzoletto. Patrone belle,
Che le resta servide; me rallegro con elle.
Gnese. Lo cognosseu? (a Zanetta)