Con patto che el me staga da lontan.
Cavaliere. Vi rispondo ancor io, compare amico,
Di star con voi non me n’importa un fico.
Tutti. E viva, e viva.
Pasqua. Son qua mi, patroni.
Deme da béver. (ad Anzoletto)
Anzoletto. Tolè pur, vecchietta.
Pasqua. No me dir vecchia, razza maledetta.
E se son vecchia, no son el demonio:
Alla salute del bon matrimonio.
Tutti. E viva, e viva.
Cate. Presto, presto a mi. (si fa dar da bere)
Senza mario mi no posso star più:
Alla salute della zoventù.
Tutti. E viva, e viva.
Zorzetto. Un prindese anca mi
Vôi far; ve contenteu?
Orsola. Falo, falo, fio mio.
Zorzetto. Via, me ne deu? (chiede da bevere ad Anzoletto)
Sto vin xe meggio assae dell’acqua riosa:
Alla salute della mia morosa.
Tutti. E viva, e viva.
Pasqua. Via, Gnese, anca ti,
Ghe ti xe cussì brava.
Orsola. Fate onor!
Gnese. Deme da béver. (a Anzoletto)
Orsola. Fàghelo de cuor.
Zorzetto. Voggio darghelo mi. (leva la boccia di mano d’Anzoletto)
Anzoletto. Olà! debotto!
Zorzetto. Vardè che sesti!
Lucietta. Tasi là, pissotto^[1].
Gnese. Co sto vin, che xe puro e xe dolcetto,