< Pagina:Goldoni - Opere complete, Venezia 1913, XVI.djvu
Questa pagina è stata trascritta, formattata e riletta.
120 ATTO PRIMO

[[Categoria:Pagine che usano RigaIntestazione|Goldoni - Opere complete, Venezia 1913, XVI.djvu{{padleft:126|3|0]]

Veli qua tutti do. Pontèmoseli al sen.

Vôi che femo la scena, come che va.
Felice. Sì ben.
(si puntano il nastro al petto)

SCENA VII.

Siora Lucietta, siora Bettina e dette.

Lucrezia. Ghe xe nissun?

Felice.   Sentì. (a Marinetta)
Marinetta.   Oh per diana de dia,
Xe qua siora Lucietta co Bettina so fia.
Felice. Mo za, la fia e la mare tutto el zorno a rondon[1].
Marinetta. Vegnì avanti, Lucietta.
Felice.   E sì no le par bon[2].
Lucietta. Patrona. (a Marinetta)
Marinetta.   Oh oh patrone. Che bon vento?
Bettina.   Patrona.
(a Marinetta)
Marinetta. Patrona, fia. (a Bettina)
Felice.   Patrone. (a Lucietta e Bettina)
Lucietta.   Oh qua la xe? Patrona. (a Felice[3])
Marinetta. Sè in maschera a bon’ora.
Lucietta.   Cossa diseu? mia fia
La dise che debotto el carneval va via.
St’anno el xe tanto curto...
Bettina.   L’è debotto fenio.
Se no se ne tolemo...
Lucietta.   E mi ghe vago drio.
Marinetta. Sentève.
Bettina.   Eh, no son stracca.
Felice.   Avè tanto ballà.
Bettina. Ballerave anca adesso.

  1. ↑ In giro. Vol. II, 419, n. e.
  2. ↑ V. scena I.
  3. ↑ Ed. Pitteri: a Felicita.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.