Questa pagina è stata trascritta, formattata e riletta. |
I MORBINOSI | 403 |
[[Categoria:Pagine che usano RigaIntestazione|Goldoni - Opere complete, Venezia 1913, XVI.djvu{{padleft:409|3|0]]
S’ha mantegnìi l’impegno, e no ghe ne xe sta.
Adesso sta pramatica l’ha avù el so compimento;
S’avemo da inventar qualche devertimento.
Parlerò con Lunardo, aspetè qua un tantin;
Vôi che se devertimo, vôi che femo un festin;
Vôi co ste Zuechine che femo i generosi;
Vôi che i diga a Venezia che semo i morbinosi. (parte)
Giacometto. Mi ghe stago.
Andreetta. Anca mi.
Ottavio. Anch’io non mi ritiro.
Lelio. (A servir la Contessa unicamente aspiro). (da sè)
Giacometto. Mo via, care patrone, no le fazza babao[1];
Che le vegna con nu. Le scampa da recao[2]?
Lelio. Queste belle signore patiscono i rossori.
Anderò io da loro; servo di lor signori.
(entra dov’è Brigida)
Ottavio. Non lo lascio di vista il caro amico mio;
S’ei si vuol divertire, vo’ divertirmi anch’io.
(parte dietro Lelio)
Andreetta. Lori va per de là; nu andemo per de qua;
Anca per nualtri do[3] qualcossa ghe sarà. (parte)
Giacometto. Za che no gh’è Tonina, me togo boniman[4].
Vôi balar, vôi saltar, magari fin doman. (parte)
SCENA III.
Camera.
Brigida e Lelio.
Brigida. Cossa vorlo da mi?
Lelio. Datemi una manina.