Questa pagina è stata trascritta, formattata e riletta. |
468 | ATTO SECONDO |
[[Categoria:Pagine che usano RigaIntestazione|Goldoni - Opere complete, Venezia 1914, XIX.djvu{{padleft:484|3|0]]
SCENA IV.
Altra camera.
Cecilia e Nicoletto.
Cecilia. Vegnì mo qua, sior, cossa diavolo me diseu?
Nicoletto. Zitto, che no i senta.
Cecilia. Eh! no ghe xe nissun. Disè, disè; cossa v’insunieu[1]?
Nicoletto. Mi no m’insonio gnente. Ve digo cussì, che sior Todero me vol dar so nezza.
Cecilia. A chi?
Nicoletto. A mi.
Cecilia. Con quel muso[lower-alpha 1]?
Nicoletto. Co sto muso.
Cecilia. Eh! via, andeghela a contar ai morti.
Nicoletto. Sangue de diana, che me faressi dir! Cossa songio? Un pampalugo[lower-alpha 2]? Non ho da saver quel che i dise? Doman m’ho da maridar, e non ho da saver chi ha da esser mia muggier?
Cecilia. Doman v’avè da maridar?
Nicoletto. Siora sì, doman.
Cecilia. Chi ve l’ha ditto?
Nicoletto. Sior pare me l’ha ditto. E el m’ha ditto, che gnancora no diga gnente a nissun.
Cecilia. (Per diana! scomenzo a aver paura che el diga la verità. Se fusse mi, i m’averave ditto qualcossa).
Nicoletto. E no dormirò più co sior pare, e mi gh’averò la camera tutta per mi, e lu l’anderà a dormir in mezzà, e mi gh’averò la novizza, e i me vestirà pulito, e anderò fora de casa quando che vorrò mi. (gloriandosi di tutto questo)
Cecilia. (La xe una cossa che me farave strassecolar[lower-alpha 3]). Come diavolo se poi dar, che el paron ve voggia dar a vu una so nezza?
Nicoletto. Varè, vedè[2]. Cossa songio mi[lower-alpha 4]?