< Pagina:Goldoni - Opere complete, Venezia 1914, XVIII.djvu
Questa pagina è stata trascritta, formattata e riletta.
388 ATTO PRIMO

[[Categoria:Pagine che usano RigaIntestazione|Goldoni - Opere complete, Venezia 1914, XVIII.djvu{{padleft:404|3|0]]

Barbara. Scaldèvele, cara fia.

Giacomina. Come vorla che fazza?

Barbara. No gh’ave scaldapìe?

Giacomina. Siora sì, ma se me scaldo le man, no laoro, e per sta sera vorave fenir[lower-alpha 1] la capetta a sti maneghetti.

Barbara. Sì, sì, fia mia, deghe drio[lower-alpha 2]. Se farè presto, se farè pulito, sior Rocco ve darà da laorar, e vadagnerè dei bezzetti, e ve li metterè intorno[1].

Giacomina. Gh’ho tanta voggia de una traversa[lower-alpha 3] d’indiana, de quelle belle.

Barbara. Laorè[lower-alpha 4], che la gh’averè.

Giacomina. Se sior Rocco me la volesse dar in credenza, sconterave col mio laorier[2].

Barbara. Cara fia, sto tor la roba dai marzeri[lower-alpha 5] in credenza, no torna conto. I dà la pezo roba che i gh’ha in bottega, e i vol quel che i vol, e co s’ha scomenzà una volta, no se se despetola[3] più[lower-alpha 6], se xe sempre al de sotto, se gh’ha sempre da dar; e no i xe mai contenti dei laorieri[lower-alpha 7] che se ghe fa. No, no, fia mia, xe meggio far come che digo mi. Se suna[4] i bezzi[lower-alpha 8], se va in Marzaria[lower-alpha 9], se varda, se cerne[lower-alpha 10], se dise el fatto soo, se tira[lower-alpha 11] più che se pol, se ghe dà i so bezzi, se paga, e bondì sioria. Margarita, me porteu sto ferro? (chiamando)

Giacomina. La lassa, che anderò mi, che me desgiazzerò[5] un pochetto le man.

Barbara. Sì, cara fia, diseghe che la se destriga[lower-alpha 12].

Giacomina. Da quella via[lower-alpha 13] me torrò un pochetto de fogo. (s’alza, prende lo scaldapiedi, e parte)

  1. ↑ L’orlo fatto a festone.
  2. ↑ Badateci, lavorate.
  3. ↑ Grembiale.
  4. ↑ Lavorate.
  5. ↑ Merciai.
  6. ↑ Non si arriva mai a sbarazzarsi.
  7. ↑ Dei lavori.
  8. ↑ Si raccolgono, e si mettono a parte i denari.
  9. ↑ In Merceria, che è la strada in Venezia, ove si trovano più mercanti.
  10. ↑ Si sceglie.
  11. ↑ Si contratta.
  12. ↑ Che si spicci.
  13. ↑ Nel medesimo tempo.
  1. ↑ Vi comprerete qualche abito, qualche ornamento.
  2. ↑ Lavoro, «opera fatta, che si fa o da farsi: G. Boario, Dizionario del dialetto veneziano.
  3. ↑ Despetolar, uscir dalle pettole, dagli impacci: v. vocabolari del Patriarchi e del Boerio.
  4. ↑ Sunar, mettere da parte a poco a poco: Boerio. Vedi vol. II, 181.
  5. ↑ Riscalderò. Desgiazzar «sciogliersi che fa il ghiaccio»: Boerio.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.