< Pagina:Goldoni - Opere complete, Venezia 1914, XVIII.djvu
Questa pagina è stata trascritta, formattata e riletta.

LA BUONA MADRE 389

[[Categoria:Pagine che usano RigaIntestazione|Goldoni - Opere complete, Venezia 1914, XVIII.djvu{{padleft:405|3|0]]

SCENA II.

Nicoletto e Barbara.

Nicoletto. Siora madre, me dala una camisa netta?

Barbara. Oh caro, no ve l’oggio dada domenega?

Nicoletto. La varda, la xe sporca che la fa stomego[lower-alpha 1].

Barbara. e vu, co vegnì a casa, cavevela, e non andè a fregar[lower-alpha 2] i taolini coi maneghetti. La biancaria costa bezzi, e gh’è più dì che luganega[lower-alpha 3], e ogni lavada una fruada[1], e co la tela scomenza a andar, la va, fio mio, co fa la lesca impizzada[2]. Stago tutto el zorno co l’ago in man a tegnirve suso quelle quattro strazze de camise fine, che debotto no ghe n’è più filo, e ve le doveressi salvar per la festa, e no andar coi sbrindoli[lower-alpha 4] tutto el zorno, specialmente col tabarro de panno; quei pochi de maneghetti i se strapazza, i se inscartozza, e in t’un’ora che i portè, no i xe più da veder.

Nicoletto. Cara ela, la me daga una camisa netta. (a Barbara, pregandola.)

Barbara. Via, aspettè che fenissa de destirar, ve darò sti manegotti[lower-alpha 5].

Nicoletto. Mi no vôi manegotti, mi no vôi camisette[3].

Barbara. Disela dasseno, patron?

Nicoletto. Mi no vôi portar camisette, e no vôi che nissun me diga: sior mezza camiza[4].

Barbara. Chi vede? Chi ve vien a vardar?

Nicoletto. No se pol saver i accidenti.

Barbara. Oh certo! aveu d’andar a zogar al ballon?

  1. ↑ Che fa nausea, che non è portabile.
  2. ↑ A levar la polvere.
  3. ↑ Vi sono più giorni che salciccia, proverbio che significa, convien risparmiare.
  4. ↑ Coi ciondoli, e intende dei manichetti.
  5. ↑ Mezze maniche di camicia coi manichetti, per risparmiar le camicie intere.
  1. ↑ Altro proverbio: ogni lavata, una stracciata.
  2. ↑ L’esca accesa.
  3. ↑ Una parte di camicia che serve per coprir il davanti della persona, per la ragione suddetta.
  4. ↑ Frase di disprezzo, usata in Venezia.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.