[[Categoria:Pagine che usano RigaIntestazione|Goldoni - Opere complete, Venezia 1914, XVIII.djvu{{padleft:60|3|0]]

Lucietta. Le soe però le xe nere.

Margarita. Che cara siora! ve voressi metter co mi? Queste xe le cascate: se le volè, mettevele: se ghe ne volè de meggio, cattevene^[1].

Lucietta. Via, no la vaga in collera, che me le metterò.

Margarita. Vegnì qua. Za co ste spuzzette^{[lower-alpha 1]}, più che se fa, se fa pezo. (mettendole le cascate)

Lucietta. Certo! la fa assae per mi. (accomodandosi le cascate)

Margarita. Fazzo più de quel che me tocca. (come sopra)

Lucietta. Cara ela, che no la se struppia. (come sopra)

Margarita. Sè ben insolente sta mattina. (come sopra, tirandola)

Lucietta. Mo via, no la me staga a strascinar, che no son miga una bestia.

Margarita. No no, no v’indubitè, che no ve vegnirò più intorno. Sè troppo delicata, siora. Feve servir da la serva, che con vu no me ne voggio impazzar.

Lucietta. Ch’ala le perle?

Margarita. No so gnente: no voggio più mustazzae^{[lower-alpha 2]}.

Lucietta. Via mo, cara ela.

Margarita. Matta inspiritada che son, a deventar matta co sta frascona.

Lucietta. (Piange, e si asciuga col fazzoletto.)

Margarita. Coss’è sta? cossa gh’aveu?

Lucietta. (Come sopra.)

Margarita. Pianzè? cossa v’oggio fatto?

Lucietta. La m’ha ditto... de darme... una collana de perle... e no la me la vol... più dar. (piangendo)

Margarita. Mo se me fe andar in collera.

Lucietta. Me la dala?

Margarita. Via, vegnì qua. (le vuol mettere la collana)

Lucietta. La lassa veder.

Margarita. Trovereu da dir anca in questo? Lassè, lassè che ve la zola<ref>Ch’io ve l’allacci. [nota originale]

1. ↑ Catar, trovare: vol. XIII, 319 ecc.