< Pagina:Goldoni - Opere complete, Venezia 1915, XX.djvu
Questa pagina è stata trascritta, formattata e riletta.

LE BARUFFE CHIOZZOTTE 93

[[Categoria:Pagine che usano RigaIntestazione|Goldoni - Opere complete, Venezia 1915, XX.djvu{{padleft:101|3|0]]

Orsetta. Mi da là a là[lower-alpha 1] no gh’è altro.

Libera. Mi? Co no son tirada per i cavei, no parlo mai co nissun.

Isidoro. E vu, Checca?

Checca. De diana! A mi me piase stare in pase co tutti.

Isidoro. Via donca, pacifichève, basève.

Orsetta. Mi sì.

Lucietta. So qua.

SCENA XXIV.

Pasqua e detti.

Pasqua. Cossa? cossa fastu? Ti vuò far pase? Con custìe? co sta zente?

Isidoro. Oh! vegnireu vu adesso a romper le scatole[lower-alpha 2]?

Pasqua. Me maraveggio: le m’ha strapazzà.

Isidoro. Quietève anca vu, fenimola.

Pasqua. No me voggio quietare; me diole ancora sto brazzo. No me voggio quietare.

Orsetta. (Magari l’avessio strupià[1]!)

SCENA XXV.

Paron Toni e detti.

Isidoro. Oe, paron Toni.

Toni. Lustrissimo.

Isidoro. Se no farè far giudizio a vostra muggier...

Toni. Ho sentio, ho sentio, lustrissimo, ho sentio. Animo; fa pase. (a Pasqua)

Pasqua. No voggio.

Toni. Fa pase. (minaciandola)

Pasqua. No, no voggio.

Toni. Fa pase, te digo; fa pase. (tira fuori un legno)

  1. ↑ Da un momento all’altro.
  2. ↑ A seccarci? A guastare quel che si è fatto?
  1. ↑ Strupiar, storpiare.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.