< Pagina:Goldoni - Opere complete, Venezia 1915, XX.djvu
Questa pagina è stata trascritta, formattata e riletta.
134 ATTO PRIMO

[[Categoria:Pagine che usano RigaIntestazione|Goldoni - Opere complete, Venezia 1915, XX.djvu{{padleft:144|3|0]]

Cosmo. Oe[lower-alpha 1], stassera no sentiremo la realtina[lower-alpha 2] al teler[1]. (agli altri giovani.)

Zamaria. Ah! baron[lower-alpha 3], veh! lo so che ti gh’ha manco voggia dei altri de laorar. Peccà, peccà che no ti applichi, che no ti voggi tender al sodo. Se ti vol, ti xe un bon laorante; e se ti volessi, ti deventeressi el più bravo testor[lower-alpha 4] de sto paese. Ma, sia dito a to Gnor e gloria[lower-alpha 5] no ti gh’ha volontà de far ben.

Cosmo. No so cossa dir. Pol esser anca, che la diga la verità.

Zamaria. Oh! via, per stassera no disemo altro. Devertimose, e che tutti goda. Doman po, sior Cosmo carissimo, de drio[lower-alpha 6] a quel drapetto[lower-alpha 7]. Vu, sior Baldissera, domattina a bonora andè dal manganer a veder se i ha dà l’onda a quel amuer[2]; e vu, sior Martin, scomenzerè a ordir quel camelotto[3] color de gazìa[lower-alpha 8].

Martin. Benissimo; e adesso cossa vorla che femo?

Zamaria. Adesso andè de là; vardè se a mia fia ghe bisogna gnente; fe qualcossa se ghe n’avè voggia; e se no savè cossa far, tolè el trottolo[lower-alpha 9], e devertive.

Martin. Oh, che caro sior patron! Almanco el xe sempre aliegro. (parte)

Baldissera. La diga. Balleremio anca nu un per[4] de balloni?

Zamaria. Sior sì. No se salo? Ha da ballar tutti; ballerò anca mi.

Baldissera. Grazie; evviva; oh che gusto! (El xe un vecchietto che propiamente el fa voggia[lower-alpha 10]). (parte)

Cosmo. La diga, sior patron: me dala licenza[lower-alpha 11] che alla festa fazza vegnir una putta?

  1. ↑ Ehi!
  2. ↑ La Realtina significa una campana che si suona a San Giacomo detto di Rialto tutte le sere da lavoro, variando l’ora secondo le stagioni; ed al suono di questa campana i lavoranti cessano di travagliare, e se ne vanno pe’ fatti loro. Qui Cosmo intende di dire, che in questa sera non lavoreranno al telaio sino all’ora della Realtina.
  3. ↑ Birbone, in senso scherzevole.
  4. ↑ Tessitore.
  5. ↑ Ironico.
  6. ↑ Dar drio, mettersi a fare, a lavorare.
  7. ↑ Stoffetta leggera.
  8. ↑ Gaggia.
  9. ↑ Trottola.
  10. ↑ Consola, cioè fa venire la volontà di abbracciarlo per piacere, per consolazione.
  11. ↑ Mi permette, mi dà la permissione.
  1. ↑ Stando al telaio.
  2. ↑ Moerro.
  3. ↑ Cammellotto o cambellotto.
  4. ↑ Un paio.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.