Questa pagina è stata trascritta, formattata e riletta. |
54 | ATTO SECONDO |
[[Categoria:Pagine che usano RigaIntestazione|Goldoni - Opere complete, Venezia 1915, XX.djvu{{padleft:62|3|0]]
Titta Nane. Perchè no gh’ave giudizio; perchè sè una frasca.
Lucietta. Va in malora, strambazzo[lower-alpha 1].
Titta Nane. Anderò via bandìo, ti sarà contenta.
Lucietta. Bandìo ti anderà? Viè qua[lower-alpha 2]. Per cossa bandìo?
Titta Nane. Ma se ho d’andare, se i m’ha da bandire[1], Marmottina lo voi mazzare.
Lucietta. Xestu matto?
Titta Nane. E ti, e ti, ti me l’ha da pagare, (a Lucietta, minacciandola.)
Lucietta. Mi? Che colpa ghe n’oggio?
Titta Nane. Vàrdete da un desperao, vàrdete.
Lucietta. Oe, oe, vien el comandadore.
Titta Nane. Poveretto mi! Presto, che no i me vede, che no i me fazze chiappare[lower-alpha 3]. (parte)
Lucietta. Can, sassin, el va via, el me manazza[lower-alpha 4]. Xelo questo el ben che el me vuole? Mo che omeni! Mo che zente! No, no me voggio più maridare. Più tosto me voggio andar a negare[lower-alpha 5]. (parte)
SCENA VII.
Il Comandadore di casa ecc.[2] e paron Fortunato.
Comandadore. Mo, caro paron Fortunato, sè omo, savè cossa che xe ste cosse.
Fortunato. Mi a suso[lower-alpha 6] no e so mai stao [3] , a suso. Cancelaìa mai stao mi, cancelaìa.
Comandadore. No ghe sè mai sta in cancellaria?
Fortunato. Siò no, siò no, so mai stao.
Comandadore. Un’altra volta no dire più cussì.
Fortunato. E pe cossa gh’ha a andà mia muggiere?